有啲人唔單止視偶像為自己嘅精神寄託，仲希望能跟隨偶像嘅成功之路，有朝一日能同偶像喺舞台上發光發熱，日本AV女優河北春菜正是如此，之但係相對佢嘅偶像，佢條路一啲都唔易行。
究竟河北春菜嘅偶像係邊個呢？就係星美梨香喇！星美梨香本身係寫真女優，後嚟加入AV界，2016年12月引退後便轉戰藝能界，並發展理想，故此春菜希望好似對方咁事業發展一帆風順。
春菜喺2016年7月以AV片廠Million專屬女優身份出道，並推出處女作《東京都某歌舞店2年連續場內指名No.1的春菜小姐 因仰慕星美梨香而AV Debut》，雖然片名長咗啲，但係就睇得出佢對偶像嘅崇拜，而最過癮嘅係星美梨香會客串登場為春菜打氣，搞到佢不知幾感動。至於春菜係咪有實力能夠喺AV界打出名堂呢？當然有啦！除咗樣貌萌味十足，作為連續兩年夜場指名No.1，證明佢實力強勁，最重要係佢有一對35F巨乳同渾圓美股，點會唔大受歡迎呢？事實上，佢嘅處女作成績理想，為佢嘅事業打下強心針。
正當春菜喺M廠發展得唔錯，甚至有人認為佢有機會坐上一姐位置之際，2016年11月佢突然宣布離開M廠，不過佢就話會繼續拍AV，原來佢以自由身身份為SOD、Prestige等大型片廠演出，令AV迷放下心頭大石。雖然轉做自由身女優嘅工作壓力會大咗，但憑住出眾嘅外形同毅力，即使密密工作，外形仍然Keep得相當好，尤其係佢轉型做癡女後，粉絲人數更係有增冇減。
點知忙足一年後，2018年3月佢突然停拍AV，亦冇再更新社交網，好似人間蒸發咁，後來有AV迷發現佢以「久坂梨央奈」之名喺風俗店工作，不過佢一直冇承認。直至今年年中回歸AV界並推出新作，喺訪問中春菜表示從未諗過離開AV界，希望未來能夠做出更好嘅成績，成為首屈一指嘅偶像級女優。究竟佢能否圓夢，就要睇粉絲撐唔撐佢喇！
出生地：千葉縣
身高：162cm
三圍：35F-23-35
撰文：魂