政情：八網難逃：李梓敬結婚七周年 一晚擦足七隻大閘蟹

有人話結婚七年會出現「七年之癢」，但係香港創科業協會主席李梓敬冇呢啲事，佢同太太近日就慶祝結婚七周年紀念，仲話太太同佢一齊越過人生高低起伏，感激沿途有太太同行添！咁點慶祝先？佢就特別嘞，唔係燭光晚餐，而係擦大閘蟹，佢話今年冇乜時間食大閘蟹，一晚內每人食番七隻，一次過食晒今年膽固醇quota喎！咁又係，見佢喺Facebook上載嘅相，大閘蟹爆晒膏，睇到都流晒口水呀！