西九文化區演藝綜合劇場地盤七月發生水浸同地陷，西九文化區管理局尋日話初步調查確認係圍堰牆漏水引致牆身外圍出現塌陷，承建商提出工程合約需要延遲約一百一十四天。有議員批評唔係漏水咁簡單，而係水浸，亦有議員直指圍堰牆唔係首次出現問題，質疑政府需要加強監督同驗收。老實講，負責嘅土木工程署同屋宇署都係隸屬發展局，局長黃偉綸應該督促呢啲部門做好啲，否則演藝綜合劇場唔知要拖到幾時先竣工？
