公營房屋極其短缺，房委會尋日公布新公屋輪候數字，平均輪候時間維持五點四年，有委員仍然擔心公屋輪候時間會上升到六年添！老實講，等上樓嘅時間冇上升，運輸及房屋局局長陳帆唔好開心得太早，事關興建公屋嘅速度咁慢，肯定追唔上需求，政府依家話會引用《土地收回條例》加快收地，又話搞多啲過渡性房屋，但講嚟講去都只係拋啲數字出嚟，若果陳帆唔加緊紓緩呢個深層次問題，民憤只會愈爆愈大。
