政情：八網難逃：岑智明晒合照 預告新搞作

岑智明喺社交網站上面大晒三張合照，相中唔單止有「民歌王子」區瑞強，仲有一大班理大嘅學生。睇到佢哋個個都滿臉笑容，究竟有乜不可告人嘅搞作呢？但岑智明就大賣關子，要等到出年年頭先會話畀大家聽佢哋搞緊啲乜，但就話希望可以帶到啲正能量畀大家。

關注氣候 區瑞強理大生助陣

究竟搞邊科？佢喺貼文最尾加入咗Hashtag氣候變化，相信大家都心裏有數。再畀多個貼士大家，就係天文台早前為咗推廣氣象同科學知識，搵咗區瑞強幫天文台創作，以氣候變化為主題嘅歌曲《氣候人生》，用嚟提醒大家要關注全球暖化，愛護地球資源，今次加埋班學生會有乜嘢新意，大家拭目以待嘞！