政情：袁彌昌容海恩 教囡囡掟麵粉

Playgroup活動 啟發BB試多啲

Derek日前喺Facebook上載咗幾張囡囡嘅相，只見囡囡成塊面都白色，拎起啲麵粉掟向對面嘅BB。Derek話原來呢個係Playgroup嘅活動嚟，囡囡一個星期會去上一堂，每堂都會有唔同嘅小劇場畀班BB扮演，好似上次就扮消防員射水救火。

乜啲BB咁細個都知自己扮緊乜嘢嘅咩？話晒囡囡先得十個月大。Derek話好多人都以為BB至少要兩歲先知自己扮緊乜，但係Playgroup嘅角度年齡唔使限制，應該畀BB試多啲、學多啲。Derek話加上好難畀囡囡喺屋企玩麵粉，污糟難清理嘛，所以Playgroup呢個活動真係好有啟發性啊。

Derek仲話囡囡好鍾意去街街，又唔怕生保，仲好留心聽老師講嘢添！佢仲爆料話同囡囡玩掟麵粉嘅BB仔，咁啱係同囡囡同一日喺同一間醫院出世（口架）！提到Eunice肚入面嘅BB都就嚟出世，Derek話會請多個人嚟幫手，人手鬆動啲彈性啲，兩個B都應該搞得掂嘅。