政府成日話要止暴制亂，但係反修例嘅激烈衝突反而爆不停。政務司司長張建宗尋日又話香港經濟受到重創，就業人數減少約八千人，即係呢班係失業大軍喇，又話當務之急係停止暴力，政府會努力修補社會撕裂，認真處理社會深層次矛盾。老實講，佢口口聲聲話修補撕裂，但就愈補愈裂，衝突根本冇停過，仲愈嚟愈暴力，可見佢講嘢根本冇人聽，唔該佢做多啲實事，唔好齋噏當秘笈喇！
