政情：今日你上鏡：體驗訓練治療犬 林正財坐輪椅扮長者

安老事務委員會主席林正財日前喺Facebook上載咗張相，見佢係坐輪椅。點解？唔通受咗傷？係就係坐輪椅，但唔係受傷，只係扮嘢啫！話說當日佢去咗參觀香港導盲犬協會，了解導盲犬同輔助治療犬嘅服務。為咗更貼地，佢仲戴埋眼罩，體驗吓喺睇唔到嘢底下，點樣指揮導盲犬，再加上佢係做安老服務，自不然要更了解長者嘅需要，於是就客串扮演長者坐輪椅，協助訓練治療犬喇！