唔單止大學生，依家好多中學生都參與反修例嘅行動，外界猛烈批評政府喺推動德育同國民教育方面做得差。教育局局長楊潤雄尋日都話過去德育教育同公民教育實際推行時，課時比例上有疏忽，特別喺中學，容易將時間集中喺學科上，佢同中小學校長討論時互相提醒，未來應該多做德育教育。老實講，造成咁多中小學生參與破壞社會嘅行動，楊潤雄依家先認疏忽實在太遲，仲令人質疑所謂嘅德育教育係咪已經過晒時，咁教落去有用咩？
