中環出更：袁莎妮上載舊相 寸高官唔知自己講乜
好多人都鍾意回望「舊日的我」嚟警惕自己，好似香港總商會總裁袁莎妮（Shirley）早前就喺Facebook上載四年前當日喺一個場合致詞嘅相，仲貼文寸政府高層，句句有骨。究竟佢寸邊個高官？
指成功者要令人信服認同
原本係官場明日之星嘅Shirley早年辭官，而喺反修例嘅連串激烈衝突期間，亦曾聯同多名前問責官員發公開信，要求特首同政府帶動和解，成立法定獨立調查委員會，以較宏觀視野同範圍調查衝突由來同過程，但係政府只係話會撤回修例。
Shirley唔單止上載四年前嘅舊相，而當日嘅貼文係寫住「唔好理我講緊乜野（嘢），起碼我個樣似知道自己講緊乜野（嘢）」，而早前新嘅貼文就寫咗「一個真正成功嘅人，唔係只係識做野（嘢），係令人覺得及信服你識做野（嘢），認同你做嘅野（嘢）！我未有耐係成功人士，但起碼我懂得呢個道理。」
有網友就留言讚Shirley講得好，「仲好應」，另一網友亦留言「好似話自己『好打得』都會幫助一個人變成功」。究竟Shirley寸緊邊個？呼之欲出喇！
卓妮