香港人口急速老化，勞工及福利局局長羅致光尋日話去到二○六六年，八十五歲以上嘅高齡人士增至七十七萬，係二○一六年嘅四點四倍，但興建老人院要七至十幾年時間，舊年嘅施政報告就建議用「組裝合成」建築法，大大縮短建築期。講到好有效率咁喎，但最核心嘅問題係冇地起安老院同相關設施，否則政府就唔使攞舊錢出嚟買啲商場之類嘅地方去做安老設施，唔該佢快啲去搵地，講組件有乜嘢用，唔好喺度賣花讚花香喇！
