政情：八網難逃：譚志源巧遇修哥即「集郵」

政制及內地事務局前局長、賽馬會公司事務執行總監譚志源（Raymond）早前喺社交網站上載咗一張同藝人胡楓（修哥）嘅合照。Raymond回覆時話，佢細個好鍾意睇粵語長片，修哥就係佢兒時嘅偶像。Raymond仲大讚修哥又靚仔，又有酒窩，當日佢聽到修哥喺馬場，就即刻捉住佢影相喇。Raymond又話覺得自己好好彩，因為第一次見到修哥，咁啱隔籬又有同事，可以幫手影張靚相喎。而Raymond之後先知原來修哥前一晚仲主持咗個音樂節目，大嘆對方八十七歲都仲咁精神，真係老當益壯咁話。