法庭：石棺藏屍案：次被告：小草與另兩疑兇夾口供
【本報訊】荃灣工廈石棺藏屍案，控方昨繼續播放次被告劉錫豪的錄影口供，劉向警方投訴另外兩名被告及特赦女證人「小草」何菱瑜「夾口供」，他批評首被告向警方所講的版本「九唔搭八」，又否認帶「小草」潛逃台灣是其主意，劉說：「我直頭唔想帶阿草去台灣，佢去只會令我哋生活更麻煩，一個女仔有公主病又剩」。
三名被告依次是曾祥欣、劉錫豪及張善恒，三人被控於一六年三月四日謀殺男子張萬里。
劉錫豪翻看張善恒的錄影口供後，隨即向替他錄口供的警員說：「阿Sir，我有嘢講，根本就夾過嘅，喺台灣時已有成日時間畀佢哋兩人（曾祥欣及張善恒）傾……『小草』喺台灣嘅日子，我見得佢最少，我根本唔知佢哋講過啲乜。」劉要求警方向他播放曾祥欣及「小草」的口供，才決定是否跟警方合作，「依家講緊殺人喎！我覺得自己完全唔公平，根本夾埋晒！」
稱首被告指控「掉轉嚟講」
及後劉與警方作另一次錄影會面，他逐一反駁曾祥欣的版本。他指曾不滿死者「想呃錢」，早有「老笠」死者念頭，事發當日他鼻敏感不適正在睡覺，曾及張善恒上網翻查地圖找犯案地點，但二人將他說成行兇者。他又指親眼目睹曾在死者的腳背刺刀放血，但曾向警員完全無提及肢解死者和放血的事。
劉批評曾的版本「完全將事實掉轉嚟講」，他指自己與不少人都被曾欺騙過，指「黐線o架，一個廿七歲嘅人，呃過咁多人，乜都賴晒落我度，搵鬼信你咩？」
案件編號：HCCC 459/2016