香港醫學會尋日公布醫療界對接種季節性流感疫苗嘅意見調查，結果就發現疫苗嘅整體接種率約百分之十五，醫護人員嘅接種率就約百分之二十七，遠低於台灣同英國整體分別超過百分之六十及七十嘅接種率。點知食物及衞生局局長陳肇始就死撐，話醫護人員接種率過去幾年都上升，由數年前不足兩成到去年近四成，仲話公立醫院都有推廣計劃，又話有增加注射站或到病房為醫護注射。不過，就算香港接種率上升，都係比外國低好多，上升得咁緩慢，可能到佢卸任都未追到其他地區呀！
