政情：兩下屬跳船 鄭若驊仍賴死唔走
律政司前副刑事檢控專員許紹鼎及黎婉姬於本年二月底雙雙離任律政司嘅職位，根據有關登記冊，許、黎二人均於本月上旬開始私人執業。睇嚟律政司司長鄭若驊嘅兩名前下屬都已經成功「跳船」，而鄭本人喺不斷被要求下台嘅聲音下，仍然賴死唔肯走。
年初離任律政司 現私人執業
許、黎二人分別於二○一五年及一六年獲委任為資深大律師，根據有關登記冊資料，二人同樣於二月二十六日停止政府職務，黎於本月三日開始私人執業，許就於本月九日開始私人執業。
當局就其工作範圍加以限制，包括要求二人不得就其於律政司擔任政府職務期間所涉及嘅任何事宜，參與或接受任何工程、案件或工作；或接受任何委聘書或指示，如政府欲委聘二人提供服務，則不在此限，二人亦不得喺從事申請擔任嘅工作過程中，使用或披露喺政府任職期間所取得任何機密或敏感資料。