財政司司長陳茂波（波叔）尋日公布第三輪紓困措施，涉及二十億元，當被問及點解紓困措施都好似唧牙膏咁推出，佢就解畫，話要先評估形勢，再逐啲推出。老實講，反修例嘅激烈衝突持續咗四個幾月，各行各業都大受打擊，酒樓食肆執咗唔少，就正如首當其衝嘅旅遊業，等咗幾個月都未見波叔有任何行動，仲話可能最快會喺今日宣布相關措施，政府做嘢慢到咁，分分鐘好多旅行社都執晒笠，仲使乜波叔嚟打救呀！
