政情：發展事務委員會 謝偉銓當選主席 失而復得

今次選舉競爭其實都好激烈，不斷有人提名，最後就共有九個人爭，唔單止有Tony，仲有陳志全、朱凱廸、許智峯、林卓廷、張超雄、譚文豪、鄭松泰同陳淑莊，結果就得Tony同朱凱廸有票，Tony最終以二十四比八，大比數贏咗朱凱廸。

立會換屆曾輸畀姚松炎

點解係失而復得？事關Tony喺上屆立法會都做過呢個委員會主席，點知喺立法會換屆選舉輸咗畀姚松炎，而姚松炎因宣誓風波被取消議員資格，有關議席喺舊年三月進行補選，而Tony就喺補選勝出重返立會，而今次係重奪主席一職。