施政報告推出放寬首置按揭措施後，樓價回升，政府真係搞出個大頭佛。勞工及福利局局長羅致光尋日喺記者會話，政府對於設立租金津貼同租務管制持開放態度，又強調重推租管同立法有關，隨時要花好幾年以上先做到。過往政府曾經多次講明，擔心推出租管會導致業主揀客等等，而羅致光今次就對租管冇落閘，唔知係咪因為近日搞到樓價回升，被外界批評房策有問題，所以就唔敢直接話唔得呢？
