中環出更：民陣遊行前夕 漢奸黎又密會泛民攪局
民陣明日喺九龍區發起大遊行，遭警方發出反對通知書，遊行前夕，過往屢次喺遊行隊伍中「扮指揮」、更被內地官媒轟為「叛國禍港四人幫」之一嘅壹傳媒黎智英（漢奸黎），繼本月初攪局後，尋晚再同多位泛民主派人士密會，座上客包括同被形容為「叛國禍港四人幫」、外號「李漢奸」嘅民主黨（白鴿黨）創黨主席李柱銘同前主席何俊仁（AV仁），仲有因為參與違法佔領行動案（佔中案）被囚八個月但緩刑兩年嘅白鴿黨前主席李永達（高達）。唔通又想喺遊行中諗計搞亂檔？
尋晚約七點，漢奸黎嘅七人車載住李漢奸、AV仁、高達同白鴿黨立法會議員林卓廷，抵達漢奸黎位於何文田嘅寓所密會，現場所見，高達坐喺司機位隔籬。
包括李漢奸AV仁高達林卓廷
密會約兩小時後，至尋晚約九時零五分，漢奸黎嘅七人車就落晒窗簾咁送李漢奸、AV仁、高達同林卓廷離開，高達同林卓廷喺旺角警署落車後，二人就分開走，七人車其後繼續送走李漢奸、AV仁。
其實，凡係大型嘅反修例遊行前，漢奸黎通常都會密會民主派人士，民陣喺明日又再舉行九龍區遊行，咁蹺漢奸黎尋晚又同班民主派密會，睇嚟又想搞搞震嘞！
卓妮