新一份施政報告話要起多啲資助房屋，呢次拉埋市建局落水，要求該局喺重建項目中，積極提供更多首置或其他類別的資助出售房屋單位，仲話會適當地提供資源配合。話時話，外界一直批評市建局買天價樓推高樓價，而行政總監韋志成早前都講過若果樓價跌，佢哋早年重建項目或出現「高買低賣」情況，對該局財政穩健造成一定壓力，依家政府話畀埋資助起資助房屋，韋志成冇得再話盤數唔掂嚟做藉口推波喇！
