政情：何君堯「洋腸論」涉歧視 平機會：非跟進範圍
話說立法會內務委員會日前選舉正副主席期間，議員何君堯指另一議員毛孟靜「食慣洋腸嗰啲人佢可能自己侮辱自己」，被轟涉及性別歧視、性騷擾、種族歧視。
平等機會委員會主席朱敏健尋日朝早出席一個電台節目時，話平機會喺短時間內收到約三十宗相關嘅查詢，但個案並唔係平機會可以跟進嘅範圍。佢又話由於有關語句同性騷擾相關，為咗維護被性騷擾人士，平機會於是發出聲明。
因言論被逐出會議室
實際上，當日何君堯發表相關言論後，民主派議員隨即起哄，反罵何係人渣，另有議員更斥何「你吔屎啦」。而主持會議嘅郭榮鏗亦指何嘅言論極度冒犯性同侮辱性，若唔收回，將命令佢退席，而何拒絕收回言論而被逐出會議室。