中環出更：復會在即「梁君彥」終於有面見人

鑽螺絲度位 重掛油畫費時

其實掛番歷屆主席嘅畫像都用咗唔少時間，工作人員由下晝就開始幫油畫「鑽定螺絲」、「度定位」，但傍晚先開始掛上牆。而掛油畫嘅時間亦都超過一個鐘，其中一幅前主席油畫仲因為唔啱位，搞到需要拆咗啲螺絲重新掛過添！

立法會兩次被「打殘」，多幅油畫都遭受不同程度嘅破壞，包括畀人掟雞蛋、噴黑、踐踏，其中一幅前主席油畫仲畀人掟咗落街，梁君彥嘅畫像就畀人噴黑塊面，搞到「冇面見人」，跟住遭到示威者用金屬物打爆，其後仲被肆意踐踏。立法會喺大樓復修工程期間，把未有被噴黑嘅兩幅主席油畫全部拆咗落嚟，依家終於掛番上去繼續展示。

實際上，立法會大樓被打到殘晒之後，都用咗幾個月時間復修，復修工程費用涉及四千萬元。聽日將會係今個立法會期第一次大會，所以將啲油畫掛番上去啦！

卓妮