政情：公民講場：飲食業貸款渡難關 想政府完全包底

反修例示威風波仍未停止，本地零售、餐飲及旅遊業都大受打擊，對香港經濟真係好大影響。尋日有飲食業界就話，隨時有過千間食肆結業，質疑大業主係咪要「十室九空」先肯減租，仲話希望政府可以就貸款作百分百擔保，等業界有錢出糧。講真嗰句，其實財政司司長陳茂波早前已經話，會喺中小企融資擔保計劃下，推出九成信貸擔保產品，最高貸款額可達六百萬元，幫助中小企渡過難關。依家飲食業界就要求政府提供百分百擔保，咁咪好似有咩事就要政府完全包底咁？如果政府真係提供百分百擔保，唔知係咪個個納稅人都同意呀！