政情：香港咁亂 幫唔到手 黃錦星外訪避風頭？

同各國傾吓環境議題

黃錦星出席嘅係二○一九年C40城市氣候領導聯盟（C40）全球市長峰會及其指導委員會會議。呢個會議一連四日舉行，屆時佢就會同各地政府官員、商界領袖及科學家等會晤，就有關氣候變化等環境議題交換吓意見。此外，佢仲會去參觀當地大型轉廢為能設施。

根據資料，黃錦星會出席峰會多個環節同參與唔同活動，又會就香港防洪及適應氣候變化能力發表演說。講開又講，本港上月底開始，空氣質素一直欠佳，多區空氣質素健康指數錄得甚高及嚴重水平，其中銅鑼灣、中環、旺角、東涌、中西區及屯門更曾一度「爆錶」。黃選擇講防洪，唔知係咪都知衰，自覺搞唔掂本港空氣污染問題，所以就提都唔敢提呢？