長澤茉里奈童顏誘惑

好多人年紀大咗之後,就會不停咁想辦法保持年輕,甚至希望可以搵到回春之法,但係世上就係有人好想自己能夠真真正正變得成熟,至少唔會令人認為自己仲係細路女,有「合法蘿莉巨乳」之稱嘅長澤茉里奈就係其中一位喇。

大細兼備

記得小弟仲係廿零歲嘅時候,去到舊同學聚會見番唔少女同學,發覺佢哋好多都已經變到師奶咁款,真係不得不慨嘆一句歲月催人老。不過,女同學之所以變成咁,好可能係同先天有關,亦有可能同後天有壞習慣又或者唔識保養有關,因為據我所知,亞洲女性其實相當襟老,例子喺日本寫真界就有好多,而今日同大家見面嘅長澤茉里奈就更加係當中極端嘅例子!

大家估吓茉里奈今年幾多歲,18歲?15歲?事實上阿妹已經23歲,但係天生麗質,一副可愛童顏睇起上嚟稚氣未消兼夾萌味十足!茉里奈除咗面貌年輕,身材亦係嬌小玲瓏,不過細小嘅絕對唔包括佢對F奶!天然飽滿,掛喺小巧身材之上,認真夠晒凸出,亦成為佢喺寫真界發圍嘅其中一個原因。

沉迷享樂

長澤茉里奈喺2013年成為美少女團體「放課後公主」嘅成員,自此開始其演藝生涯,同時被寫真界睇中,咁又係嘅,寫真界一直都知道童顏巨乳最容易吸引到觀眾,阿妹正正就擁有呢兩個優點,唔搵佢拍寫真色誘班觀眾又點得呀!

提到童顏,茉里奈就話自己深受困擾,因為有幾次出夜街都被警察懷疑佢未成年而深夜遊蕩被截查,另外亦經常被店舖負責人要求佢出示年齡證明。唔知係咪因為咁,所以茉里奈近期鍾意咗飲酒以及打麻雀,希望藉沉迷呢兩種成人玩意而令自己睇落大個女一啲!另外,為咗證明自己確係長大,茉里奈透露會喺將於11月推出嘅寫真集作全裸演出,至於裸露到咩程度到時自有分曉。順帶一提,茉里奈呢本寫真集有部分嚟到香港取景,到時大家可以留意一下場景係咪特別有親切感喇。

社交網站

簡介:近期長澤茉里奈愛上打麻雀,大家可以喺佢嘅社交網當中,留意到阿妹打牌打得叻唔叻。

網址:https://twitter.com/nagasawa_marina?lang=ja

長澤茉里奈Profile

年齡:23歲

身高:5呎

三圍:32F - 21 - 32

撰文:賢