港珠澳大橋項目喺○八年完成嘅可行性研究報告，預計大橋通車初期嘅車流量係每日九千幾架次，但有數據顯示大橋自去年通車至今年七月，十個月內日均車流只有三千八百幾架次。真係低過預期好多，當年係咪報大數o架？點救亡？運輸及房屋局局長陳帆當然要落水喇！聽聞話會優先放多啲配額畀商會、大學同科研等機構，但呢啲機構幫唔到幾多喎，都係杯水車薪，睇嚟陳帆要戙高床板諗吓有乜促銷橋嘞！
