政情：公民講場：問責制被批各有各做 聶德權踢都唔郁懶檢討

外界猛烈批評高官問責制有問冇責，而有團體尋日更批評喺過去近四個月嘅反修例激烈衝突，政府部門之間唔協調，質疑政府高層欠缺指揮同協調能力，認為政府應檢討問責制。其實問責制早已名存實亡，過往唔少立法會議員亦炮轟有個別副局長掛住打卡，班政治助理唔見影，但政府只係一味護短，而政制事務及內地事務局局長聶德權又踢極都唔郁。梗係喇，都唔到佢話事，要佢老闆肯先得，呢啲叫唔做就唔錯。