政制及內地事務局局長聶德權日前出席活動離開時，座駕被示威者圍堵，而佢尋日為當時唔落車解畫後，被問到政府高層後日舉行嘅對話會，點解唔畀帶頭盔同防毒面具入內，佢就解釋話唔准帶大型道具入去，係唔想對話會變咗示威場地。老實講，以前政府都落區搞過啲諮詢會，亦曾出現過掟雞蛋同公仔嘅情況，依家市民對政府嘅怨氣咁深，就算唔帶大型道具都唔代表就太平，事關仲有大把嘢可以掟出嚟洩憤，聶德權諗得太天真嘞！
