為咗解決深層次矛盾，政務司司長張建宗尋日喺網誌話，佢已默默展開與唔同界別人士嘅深層對話，包括由佢做主席嘅兒童事務委員會咁話。話時話，政府話要搞對話平台，但係佢哋又怕畀人圍，咁啱得咁蹺，政制及內地事務局局長聶德權尋日出席公開活動，座駕畀大批示威者圍堵，張建宗可能早就預料會遇到同樣情況，所以選擇匿埋同其他人對話，就算畀人鬧爆都冇人知呀！
