政情：今日你上鏡：懷胎5個月 容海恩終於見肚

一向偏瘦嘅立法會議員容海恩（Eunice），懷咗第二胎已經五個幾月，佢近日出席一個晚宴時終於明顯見肚，呢啲天生纖瘦嘅底子，真係唔知令到幾多女士羨慕！不過Eunice都係唔肯透露第二個小朋友係男仔定女仔，只係講起，依家覺得最困擾嘅係第一胎排咗隊嘅託兒服務，排到依家有咗第二胎五個幾月都未排到，可見呢類服務真係嚴重短缺。佢仲講笑話第一胎排隊時，冇留到個名，唔知可唔可以直接畀第二胎用呢？不過，講完笑又講認真，佢話咁做應該就唔得嘞，因為計到歲數嘅，一定知道並唔係同一個小朋友啦！