政情：袒護漢奸黎其身不正 檢控準則亂唔畀批評 鄭若驊帶頭毀法治

又做鍵盤戰士寫網誌 迴避公眾

鄭若驊喺網誌指出，香港自六月起出現眾多遊行示威，有時「更不幸地演變成暴力破壞行為」，當中警方拘捕人數眾多，因此有人對律政司提出檢控所需嘅時間有唔同睇法。佢強調律政司嘅檢控工作一直係「不偏不倚、一視同仁」，惟每宗案件嘅審訊時間會因應各種因素有異。

佢又話，注意到最近有人肆意批評司法機構，亦漠視法庭禁制令，會對法治造成嚴重傷害。佢話法院秉行公義，按法律及可接納的證據作出裁決，判詞亦會陳述裁決理據，或許有人會唔滿意裁決結果，但並唔代表司法獨立出現缺陷。佢又強調自己作為律政司司長，有責任確保司法獨立受到尊重，唔會被任意攻擊或批評，社會唔應該任意或唔公平地，作出危害司法機關公正及無私地行事嘅批評。

佢強調不論係違法亂紀嘅行為，或係任意攻擊律政司嘅檢控決定，甚至係無理批評司法機構，都只會損害香港嘅法治，盼望香港人能共同承擔尊重法治嘅責任。

縱容下屬網上發表反修例意見

理工大學專業及持續教育學院講師陳偉強批評鄭若驊只係識得做鍵盤戰士，唔敢面對公眾交代檢控政策，已經係一大敗筆，尤其係唔容許市民批評律政司或法庭所作出嘅判決，簡直係荒天下之大謬，律政司應該係不偏不倚，但近期唔少律政司內部嘅人員竟然喺互聯網上發表對反修例嘅意見，咁證明鄭若驊係縱容下屬，亦難保律政司對案件有偏頗。

陳直指鄭若驊其身不正，涉及多宗利益衝突，多宗案件應告唔告，例如漢奸黎刑恐東方記者案，根本是一宗極其簡單嘅案件，卻拖咗兩年幾仍未檢控，根本係鄭帶頭破壞法治，又賴死唔走，唔肯問責下台，令法治淪亡。

兩年前漢奸黎喺維園出席六四祈禱會後，竟向在場採訪嘅東方記者爆粗恐嚇，話「×你老母×」、「我實會搵人搞×你」以及「我影×咗你嘅相」，有圖有片，證據確鑿，但拖咗兩年幾，漢奸黎仍未落鑊。《東方》同受害記者先後出十五封信查問案件進度，過去得到嘅回覆全部係廢話，講咗等於冇講，敷衍了事。