政情：今日你上鏡：有型兼防曬 葉劉戴超行街市
立法會議員葉劉淑儀（葉劉，左）尋日喺社交網站分享咗三個多月後再去上水石湖墟街市嘅情況。記得今年五月，佢喺同一個地點巧遇立法會議員黃國健（KK）買餸煲湯，今次舊地重遊，雖然無緣撞番KK，但依然有亮點，咪就係佢連行街市都帶住副黑超囉。
葉劉話，戴黑超係因為好曬同埋夠型，睇番當日嘅照片，葉劉的確唔止視察位於室內嘅街市，仲同黨友行到戶外視察水貨活動。睇嚟葉劉真係好注重雙眼健康，避免雙眼受陽光照射噃。
雙眼接觸陽光會流眼水
其實葉劉十六年前擔任保安局局長時，已經成日戴住黑超出席唔同場合，黑超可以話係佢嘅標誌之一。
雖然當年嘅黑超造型換來大家負評，但葉劉就解釋話雙眼接觸陽光會流眼水喎。
（互聯網）