我有正能量：生命義工

「華人社會始終好少將死亡呢樣嘢宣之於口，但係其實要面對呢件事，無論係離開嘅人或者係親屬，都要有一定嘅準備，喺心理或者生理上先會較容易承受得到。」心繫心生命教育基金創辦人李昕（Christina）指，死亡來臨的方式有時會令人難以接受，甚至對親友造成創傷，心情久久不能平復，「如果嗰一刻有人可以聆聽或者畀一啲支援，個無助感會細好多。」

過來人成立喪親輔導機構

Christina創辦心繫心的原因，源於十年前她的未婚夫及親人相繼離世，而由於事出突然，事件對她的精神造成相當大的負擔，「當時個人好無助，好多嘢要處理但又唔識點處理，想搵幫手又唔知可以去邊。」她憶述，當時有感自己需要輔導服務才能走出困境，卻發現坊間相關服務相當貧乏，「我又負擔唔起一次幾千蚊睇心理醫生，但係搵過先知原來無咩社工或者輔導員專門提供關於喪親嘅支援。」

Christina希望打破社會上對死亡的禁忌，以不迴避的態度探討生死問題。	心繫心曾舉辦攝影比賽，希望透過鏡頭點滴關注社會對生命及死亡的態度。	香港都會愛樂管弦樂團為下月的慈善音樂會排練。（受訪者提供）

數百義工宣生命關懷資訊

從自身的傷痛走出來後，Christina於一三年決定成立機構，並成功於翌年申請成為非牟利慈善機構，近年募集了數百名義工，持續服務醫院、長者院舍及獨居老人家居，為喪親人士提供支援，又向社區各階層市民推廣有關生命及關懷的資訊，「最主要係鼓勵佢哋就死亡呢件事同家人傾，同埋家人離世後如果真係頂唔順，亦都要識得搵人求助，千祈唔好覺得咁樣係代表失敗。」

義工Sunny是Christina過世未婚夫的舊同學，見證她如何從悲傷中走出來，他十分認同機構的理念，宣揚「無忌無諱」的觀念，推動「好生好死」的文化，「死亡係一剎那嘅事，但係事前事後有冇準備好，係可以令到件事好大分別，例如年老嘅長輩離世係最自然不過嘅事，但當中你有冇啲想講嘅嘢未同佢講呢？有冇嘢你未做會令自己後悔呢？」

文：陳名仲

圖：關萬亨