有團體尋日就批評喺早幾年施政報告提出嘅青年宿舍計劃，到依家只有六個項目正在推展，但冇一項落成，對進度感到失望。老實講，住屋係香港嘅深層次問題，有人更分析咁多青年人上街反修訂《逃犯條例》，其中一個原因都係因為青年住屋冇紓緩方法有關，變成隱性炸彈，正正因為民政事務局局長劉江華一直歎慢板，拖咁耐都唔拆彈，搞到依家爆炸嘞，都唔知點收科？
