政情：民主阿婆 李漢奸 黃之鋒 大小漢奸夾計亂港

事緣係反修例風波搞咗幾個月，示威者一直都有爭取國際社會嘅關注同支持，當中包括喺美國國會通過《香港人權與民主法案》，而黃之鋒、羅冠聰等人最近喺美國，不斷游說美國國會議員支持法案，黃之鋒不但出席國會聽證會唱衰香港，佢哋亦同支持法案嘅美國國會參議員魯比奧（Marco Rubio）會面等，仲話嚟緊行程豐富，會繼續游說更多議員支持咁話。

黃唔使人帶 去到聽證會

佢哋仲分析，話幾個月前只係得幾個議員支持，依家已增至近五十人，估計有逾九成機會通過法案。其中黃之鋒仲話以前出席聽證會，都要立法會議員或者民主阿婆、李漢奸等帶住，依家就唔使人帶都出席得。咁講，係咪佢哋已經完成交棒，成為新一代漢奸？

時事評論員陳雲生認為美國本身就對香港有一定嘅處理方案，但就需要一啲香港人配合，等佢哋可以出師有名，如今搵到黃之鋒等人，甘願做「漢奸」同美國一唱一和，足以證明呢群人同外國勢力關係千絲萬縷。陳雲生又指佢哋會對入世未深嘅年輕人造成影響，社會亦需為此付出沉重代價，對此感可惜同遺憾，不過佢相信真相會有人被揭出嚟，到時黃之鋒等人就要揹起「千古罪名」，被世人唾罵喇！

佢直指民主阿婆、李漢奸等人，近年喺香港嘅影響力開始減少，所以就搵啲年輕嘅「小漢奸」，刻意包裝佢哋，再配合時勢增加影響力，實行合作搞亂香港。佢特別點名指民主阿婆有如「深宮怨婦」，但就仲好鍾意出風頭，而外國見佢仲有些少政治能量，先會接見吓佢，所以佢先有得繼續「唱衰香港」咋！

美兩院跨黨撐人權法案

話口未完，魯比奧就開腔，話希望下周開會時，《香港人權與民主法案》獲快速通過，為現屆及未來政府提供有力且靈活嘅新工具，以應對香港警方暴力威嚇、中共及其代理人破壞香港高度自治等問題，佢又話法案獲通過後，美國政府同其他民主國家將為未能履行給予香港高度自治承諾嘅中港官員追究責任。

另外，美國參眾兩院跨黨派表明支持有關法案，而眾議院院長佩洛西聯同跨黨派嘅議員召開記者會，話美國會喺追求正義同自由嘅路上支持香港。