政情：區議員轟林鄭慰問死物 不問傷者
反修例引起嘅連串示威衝突，唔少社區設施備受破壞，好似港鐵站、智慧燈柱、交通燈、欄杆等等，全部都無一幸免。深水埗區議會交通事務委員會尋日就討論到有激進示威者堵路破壞而造成嘅交通影響。
其中有區議員批評特首林鄭月娥淨係掛住慰問港鐵入閘機呢啲死物，反而就唔理受咗傷嘅市民，咁講法睇嚟啲死物仲緊要過人命喎。
寸佢係「特衰政府林師奶」
民協衛煥南喺會議上話有警員化身示威者破壞智慧燈柱、欄杆等設施，又舉咗九龍灣有燈柱倒塌做例子，奉勸既然「特衰政府林師奶」去到港鐵站慰問入閘機，理論上亦都應該對燈柱呢啲「圓柱物體」呵護備至。
佢仲寸爆咁話「含吹奶啜」，「林師奶」佢就最啱喇，又話邊條燈柱，或者邊啲圓柱物體塌低，咪要「特衰政府林師奶」去慰問囉！
雖然衛煥南呢次發言得兩分幾鐘，但都不停咁重複「含吹奶啜」呢四個字，繼續鬧爆「林師奶」寧願安慰啲死物，而受傷嘅無辜市民就冇去慰問，唔知林鄭幾時先會去慰問啲傷者呢？