政情:芬蘭教育出路多 葉建源取經救「填鴨」

香港一直畀人話係填鴨式教育,每日都勁多功課,做極都做唔晒,連玩嘅時間都無。小朋友讀書就淨係為咗考試同測驗,發展唔到自己嘅才能。立法會教育事務委員會上星期去咗芬蘭職務訪問,去嗰邊取吓經。

着保護衣睇老師整嘢食

芬蘭嘅教育不嬲出名夠好玩、夠多元。代表團參觀咗奧盧職業訓練學校,了解吓芬蘭職業教育同培訓推行嘅情況。奧盧職業訓練學校係芬蘭其中一間規模最大嘅高中職業教育同培訓學校。入面有好多唔同嘅科目(口架),好似藝術、煮嘢食同電腦咁。一班議員仲着埋保護衣去睇老師教整蛋糕同曲奇,成班學生咁喎。

代表團團長葉建源尋日話為期五日嘅職務訪問非常成功,成員都對芬蘭出名好嘅教育制度認識深咗。佢希望可以幫到佢哋同政府討論點樣制訂更完善嘅政策同措施,等香港嘅學生可以愉快學習同埋有多元出路咁話。

第一手消息請下載on.cc東網iPhone/iPad/Android/Windows Phone Apps