政情：林琳入院割息肉 戴住病人手帶開會

林琳話，佢係星期三（11日）早上八點入院嘅，因為做腸道手術，需要清空腸胃，一入院飲完清腸胃嘅藥，十點仲順便開埋間醫院有關低收費病床嘅會議添。由於佢入院做手術，所以着得好求其，着住短褲拖鞋，仲戴住條病人手帶，一開始都冇人知佢有份去開會。

成日有小病痛 打算中醫調理

佢話，當日下午約四點半開始做手術，好快就完成，晚上十點就食得嘢嘞，佢之後仲喺病床上做啲文書工作，做到凌晨四、五點，第二日早上出院後，適逢中秋前夕，仲即刻落區派嘢，之後仲出中環開會。雖然做腸鏡係小手術，但佢近期都成日有小病痛，都打算睇吓中醫調理吓身體咁話。