探射燈：夜跑遇劫要冷靜 切勿主動攻擊
夜跑人士獨自跑步容易發生意外，女士更是高危一族，有詠春師傅建議市民遇險時要保持冷靜，同時切勿逞強主動迎擊劫匪，惟在沒辦法下可進行有效突擊，以嚇退狂徒，並趁機逃走。
無路可逃始「出手」
「最緊要係短時間內冷靜，如果走得甩就走，唔係就要防衞。」葉問國術總會主席劉功成表示，遇上狂徒不要慌亂，更不要主動攻擊，「你唔知佢有冇收埋武器（口架）嘛」。
劉又指，若狂徒從正面襲擊，自覺無路可逃下，就要「出手」自救，並大喊求救，「可以用腳踢佢下陰，或者叉眼，咁可以警告對方，令佢知道你可以威脅到佢，一有空隙就要即刻走！」