政府話要建立溝通平台，司局長要走入社區。講到好似好緊急，但其實政府有好多顧忌，民政事務局局長劉江華就鬼拍後尾枕，話要喺短時間內走勻十八區需要較長時間，依家研究點將部分區組合起嚟，另一個難題係點樣公開邀請市民，又能夠畀大家參與到，再加上依家社會仍未回復平靜，要進行對話時係咪會受到干擾等等。講嚟講去，最大嘅擔心咪就係班官落區會畀人踩場、畀人圍同攻擊囉！咁驚，仲講乜嘢溝通交流呀？
