政情：李梓敬撇甩兩隻小魔怪 同太太慶祝拍拖10周年
人生有幾多個十年？對於香港創科業協會主席兼深水埗區議員李梓敬嚟講，當然好重要，事關日前喺佢同太太拍拖嘅十周年紀念日，仲話撇甩兩隻「小魔怪」去撐枱腳食飯慶祝添！邊兩隻「小魔怪」？當然係講緊佢兩個仔喇！
既然係拍拖紀念日，當然唔少得花，見佢太太手捧住嗰紮紅玫瑰，嗰樣真係甜到入心呀！李梓敬唔單止做區議員，舊年仲踩入科技界，不時出席科技界嘅活動，又搞埋講座咁，真係忙到飛起，所以佢都話屋企要靠老婆睇住。
佢喺社交平台嘅貼文上載同太太撐枱腳嘅相後，有網友大讚佢太太係大美人，亦有網友讚佢係模範好老公，亦有網友祝佢哋周年快樂，繼續恩恩愛愛。