主人唔牽繩 狗狗馬路狂奔險車死
【本報訊】身為主人，出街時理應拖緊自己的寵物，否則發生意外便後悔莫及。近日有車Cam就拍到一名不負責任狗主在馬路上，冇牽繩下「放狗」，任由狗狗在馬路上狂奔，險被途經車輛撞及。
事發在前日早上十時許，從網民Mak Hon Lun在Facebook群組「馬路的事討論區」上載的車Cam片所見，當時車輛駛至深水埗東京街近李鄭屋漢墓博物館對出時，一隻啡色的小狗突然從路邊狂奔出馬路，司機見狀，立刻急煞停車，未幾，一名中年男狗主從路邊施施然走出，淡定地向司機舉手示意感謝，又喝停在馬路亂跑的狗狗。
網民狠批「唔識養唔好養」
事件慶幸未造成「狗命傷亡」，但是網民仍然狠批狗主，「唔識養狗就唔好養啦」，並認為這些主人「遲早害死隻狗」。