政情：蔣麗芸怕行動不便 緊張取經防骨質疏鬆
香港人愈來愈長壽，但都要有健康先可以享受到生活，連立法會議員蔣麗芸（Ann）都話認同，難怪佢拍片大講預防骨質疏鬆喇。
自言冇時停
阿Ann自言冇時停，如果仆親整斷骨頭就大件事，分分鐘要以輪椅代步，就算起居飲食有人照顧，行得唔自如都唔會開心咁話。
今次阿Ann搵咗香港骨質疏鬆學會會長黃仕雄一齊拍片，唔通佢受骨質疏鬆困擾？阿Ann就把握機會準備咗驗身報告畀對方睇，結果顯示佢嘅股骨同腰骨分數屬於正常，無骨質疏鬆問題，相信可以鬆口氣喇。不過，阿Ann知道自己冇事後，仍然化身問題少女事事問，佢直言驚自己過多十年會有事，難怪要學定預防方法，唔知佢會唔會真係咁聽話照做呢？