中環出更：漢奸黎又密會攪局 岑子杰首次現身

香港喺近三個月因修訂《逃犯條例》而爆發連場示威衝突，而民陣喺呢段期間都搞過幾次大型遊行，但並非每次都獲發不反對通知書而變成非法遊行。不過，漢奸黎多次視法律如無物，曾喺非法遊行中帶頭兼「扮指揮」，公然挑戰法律。

岑子杰申請遊行後即獲召見

而身兼社民連常務委員嘅岑子杰就喺前日宣布，民陣已經入紙申請再辦遊行，轉個頭尋日就連同多名漢奸黎密會嘅常客，包括有「李漢奸」之稱嘅民主黨（白鴿黨）創黨主席李柱銘、違法佔領行動（佔中案）被判囚八個月獲緩刑嘅前主席李永達（高達）、外號「AV仁」嘅前主席何俊仁及立法會議員林卓廷一齊獲漢奸黎「召見」，另外，仲有社民連主席吳文遠亦都有出席。唔知係咪商討下周日嘅大遊行嘞！

李柱銘（左）與何俊仁（右）係密會嘅常客。

岑子杰（左）與吳文遠（右）有份出席密會。

岑子杰等六人喺昨午約十二點四十五分，乘坐漢奸黎嘅七人車直達其位於何文田嘅寓所。一行人密會超過一粒鐘，逗留至大約下午二時，就由漢奸黎嘅七人車接載佢哋離開，六人步出寓所時更獲漢奸黎送別。

林卓廷（圓圈）一支箭下車離開，刻意與他人保持距離。

李永達（右）乘坐黎智英七人車嘅前座離開。

一如以往，漢奸黎嘅七人車首站停喺鄰近太子港鐵站嘅旺角警署外，林卓廷率先落車，頭也不回咁一支箭離開，之後高達、岑子杰同吳文遠亦相繼落車，但就與林卓廷持相反方向，沿彌敦道離開。至於李漢奸同AV仁就繼續留喺車上，估計向來管接管送嘅漢奸黎，好似以往一樣安全地將二人送去目的地囉。

卓妮