政情：公民講場：65歲攞得生果金？ 羅致光怕「認老」點會肯

香港有唔少人年屆六十五歲就退休，但俗稱「生果金」嘅高齡津貼就要七十歲才有得攞，中間呢幾年，都令到唔少貧窮長者好難捱，有政黨尋日就爭取將生果金嘅申請年齡降至六十五歲，讓六十五至六十九歲嘅長者，每個月多少少錢幫補吓。不過，大家都記得勞工及福利局局長羅致光曾經形容，六十歲只係中年，雖然佢後來澄清自己係想講「中間」，但中年又好，中間又好，可見佢覺得六十歲都唔太老，依家要求六十五歲就申請到生果金，兩者相差只有五年，真係唔知羅致光係咪願意承認五年即變老嘞！