政情：今日你上鏡：梁繼昌合照 揭鄰居老友大有來頭
立法會議員梁繼昌（Kenneth，左）係議會中少數多用英文發言嘅議員，就連Facebook上面發貼文都成日見到中英對照，事關佢曾經喺英國讀書同工作，要照顧唔同嘅朋友嘛。
曾任北愛大臣及保守黨副主席
Kenneth尋日就上載咗一張同外籍舊朋友嘅合照，佢話大家已經認識咗三十幾年，當年仲係鄰居喎。舊朋友再聚當然值得記錄，但佢哋話題竟然唔係閒話家常，而係傾英國脫歐同香港近期嘅示威咁政治，事關呢位名為Shailesh Vara（右）嘅鄰居大有來頭，曾任北愛大臣同埋保守黨副主席，唔知佢哋以前有冇想像過，三十幾年後兩個同樣投身政治行列呢？
（互聯網）