香港物價高、租金貴，好多雙職父母都忙住搵食，要湊小朋友的話可謂相當頭痛，而尋日就有調查發現，有九成二人認為政府託兒服務不足，甚至有九成六人認為服務不足會影響生育意欲，仲鬧爆香港仲有六區未有設立資助獨立幼兒中心。查實託兒服務問題都已經被人鬧咗好多年，當中包括服務時間唔夠長、業界人手不足等，不過政府就好似冇增撥足夠資源落去，唔通因為勞工及福利局局長羅致光嘅小朋友已經長大成人，所以就忘記咗缺乏託兒服務嘅家長有幾辛苦呢？
