政情：今日你上鏡：郭卓堅腳痛坐輪椅

有「長洲覆核王」之稱嘅郭卓堅平日行得走得，尋日突然坐住輪椅現身，認真少見，唔通突然病咗行唔到？郭卓堅解釋，自己年老腳痛，平時夜晚瞓覺都會痛，主要都係痛喺腰同膝頭，但遊行又想行足全程，所以前幾日就搵咗架輪椅嚟。咁有冇搵醫生檢查吓係咩病呢？佢話，已經去咗瑪麗醫院排期o架啦，點知要排五年，所以到依家都仲未睇到，又無錢去私家醫院，不過，雖然仍未解決到腳痛嘅問題，但就打算遲吓坐住輪椅去台灣環台喎！嘩，腳痛仲環台，真係並非個個做到。