政情：局勢亂經濟差 吳秋北促政府照顧失業大軍

餐飲旅遊業重創

吳秋北話，香港依家嘅情況，令到好多遊客都嚟唔到，旅遊、餐飲、酒店、運輸、零售等行業，自六月以來生意額節節下降。佢話，香港嘅旅遊業好脆弱，好多從業人員都要帶團才有收入，依家不少餐飲生意都受影響，旅遊區仲出現部分餐飲店舖倒閉嘅現象，酒店亦因入住率下降不斷減價，甚至出現酒店房費比一般房屋租金仲平。

佢話，就業市場亦受影響，有啲酒店要求員工放無薪假，擔心若接下來無生意嘅話，呢批人可能會被裁員，如果情況無改善，估計到本月及下月會有更多類似情況，首先係開工不足，之後就會有更多人失業，業界都好擔心，希望政府照顧呢批可能嘅失業大軍咁話。