政情：流動街站舉牌派報告 張美雄嘆好論盡

張美雄稱呼呢塊螢光黑板做新玩具，呢塊板又幾好玩o架，可以擦完再寫新嘢上去，循環再用。之不過，塊板話大唔大，話細唔細，要一個人又攞牌又派傳單都好論盡。佢話有時候會有助理幫手，但如果冇助理嘅話，就惟有擺塊牌落地下，加上前幾日落雨，都真係好麻煩，仲話塊牌唔整得大係因為太大會畀港鐵趕喎。

鄰區合租辦事處

依家佢喺調景嶺區同其他人合租辦事處，叫做有瓦遮頭。但過去四年嚟喺自己選區都冇辦事處。做咗四年「無殼」區議員，佢鬧爆政府講一套、做一套，明明話會盡力安排地方，但之後又話喺社區會堂整辦事處冇先例。佢仲話街坊見到佢擺流動街站會過嚟幫手，仲一齊鬧政府好無能，連一個基本訴求都搞唔掂。